![](https://freight.cargo.site/t/original/i/47bff7fe69019df241dcf5f476951372db61ec773b976c3ff1fb86cbfa0ad034/Islandsmeistari_i_islandi.jpg)
Íslandsmeistarar í logni
Sagt er að mesta lognið á landinu sé að finna á Hvolsvelli og í nærsveitum. Bæjarstæðið er þekkt fyrir mikla veðursæld enda er gróðursælt í bænum og bæjarfjallið Hvolsfjall veitir gott skjól fyrir norðandvindinum. Borgþór H. Jónsson veðurfræðingur var eitt sinn spurður hvar best væri að búa í ellinni. Hann var fljótur að nefna Hvolsvöll sem fyrsta kost því þar væri mesta veðursældin á öllu landinu.
Tónlist og menning
Það kemur mörgum á óvart hvað það er blómlegt tónlistarlíf í sveitarfélaginu. Tónlistarskóli Rangæinga er mjög öflugur skóli og kennir fjöldi góðra kennara við hann. Í bæjarfélaginu eru líka oft haldnir fjölsóttir tónleikar á tónleikastaðnum Midgard, en þar spilar reglulega margt af helsta tónlistarfólki landsins. Tónlistin er fyrir alla og í sveitarfélaginu eru t.d. starfandi karlakór, kvennakór, barnakór, kór eldri borgara og kammerkór.
![](https://freight.cargo.site/t/original/i/1031403534897a9f98fbb594a496bd13022d8c38f304d54659787ad5203022db/tonlist_menning.png)
![](https://freight.cargo.site/t/original/i/36126319ec9ed46aaba17ec85e62364c36f26ee32cd1c25eba6a8500b3938320/Badminton.jpg)
Íþróttafélagið Dímon
Íþróttafélagið Dímon er öflugt íþróttafélag sem býður fjölbreytt úrval íþrótta. Meðal íþrótta sem eru í boði eru meðal annars; körfubolti, badminton, fimleikar, taekwondo, blak, glíma, borðtennis, sund, frjálsar íþróttir og íþróttaskóli fyrir 4-5 ára. Það besta er að á Hvolsvelli þurfa foreldrar ekki að skutla eða sækja á æfingar eða í aðrar tómstundir.
Íþróttafélagið Dímon er öflugt íþróttafélag sem býður fjölbreytt úrval íþrótta. Meðal íþrótta sem eru í boði eru meðal annars; körfubolti, badminton, fimleikar, taekwondo, blak, glíma, borðtennis, sund, frjálsar íþróttir og íþróttaskóli fyrir 4-5 ára. Það besta er að á Hvolsvelli þurfa foreldrar ekki að skutla eða sækja á æfingar eða í aðrar tómstundir.