Stutt í alla þjónustu
Íbúar Hvolsvallar eru sammála um að stuttar vegalengdir innan bæjarmarka séu einn af helstu kostum þess að búa þar. Margir íbúar hreyfa ekki bílinn innanbæjar enda tekur aðeins nokkrar mínútur að hjóla bæjarmarkanna á milli. Það er örstutt í alla helstu þjónustu s.s. sund, íþróttir, verslun, skóla, bókasafn, apótek, heilsugæslu, leikskóla o.s.frv. Allur akstur í og úr skóla og íþróttum er úr sögunni.
Lausar lóðir til úthlutunar
Bergþórugerði er nýtt 90 íbúða hverfi á Hvolsvelli, vestan við Hallgerðartún. Hverfið er með fjölbreytt íbúðamynstur; einbýli, parhús og fjölbýlishús. Umsóknareyðublað, nánari upplýsingar um lóðirnar og skipulagsskilmála má nálgast á heimasíðu Rangárþings eystra, www.hvolsvollur.is og á viðtalstíma skipulags- og byggingarfulltrúa.
Samfella skóla og tómstunda
Sveitarfélagið býður upp á samfellu í íþróttum, tónlistarkennslu og skólastarfi. Reynslan hefur sýnt að börnunum líður betur með að komast beint í tómstundir að loknum skóla. Þá þurfa þau ekki að bíða á milli og eru komin fyrr heim á daginn og hafa meiri samfelldan tíma með fjölskyldu.
Fjölskyldulífið og ferðamennskan Hildur og Arnar – viðtal
Stutt viðtal við Hildi Guðbjörgu Kristjánsdóttur og Arnar Gauta Markússon sem búa í Litlalandi í Fljótshlíð við Hvolsvöll ásamt sonum sínum Kristjáni og Markúsi. Saman eiga þau og reka ferðaþjónustufyrirtækið Midgard sem er staðsett á Hvolsvelli.
Auknir möguleikar í fjarvinnu
Í nútímasamfélagi eru möguleikar á störfum án staðsetningar sífellt að aukast. Mikil tækifæri leynast í slíkum störfum og sér ungt fólk í auknum mæli kosti þess að vinna slík störf. Í þeim hópi eru margir sem vilja skapa sér svigrúm til sveigjanlegs vinnutíma og möguleika á að geta búið úti á landi þar sem lífsgæðin eru góð og meira rými skapast til að sinna fjölskyldu og áhugamálum.
Lóðir í leit að vönduðum eigendum
Á Hvolsvelli er reglulega úthlutað nýjum lóðum, bæði íbúða-, atvinnu- og hesthúsalóðum. Áhugasamir geta fylgst með á www.hvolsvollur.is eða farið beint á kortavef sveitarfélagsins www.map.is/ranga. Hægt er að sækja um lóðirnar beint í gegnum kortavefinn með því að smella á viðkomandi lóð.
Náttúran og tónlistin Valborg og Orri – viðtal
Stutt viðtal við Valborgu Ólafsdóttur og Orra Guðmundsson sem búa í Holti undir Eyjafjöllum, rétt utan við Hvolsvöll ásamt börnum sínum þeim Karólínu og Kormáki. Valborg er söngkona og tónlistarkennari á Hvolsvelli og Orri er bóndi, ferðaþjónustubóndi og tónlistarmaður.
Öll eins árs börn fá leikskólapláss
Á Hvolsvelli fá öll börn, sem náð hafa eins árs aldri, pláss á leikskóla og í bæjarfélaginu er að finna eitt hæsta hlutfall menntaðra leikskólakennara. Hér eru engir biðlistar og engin óvissa og boðið er upp á skólaakstur fyrir elstu leikskólabörnin. Á síðasta ári barna í leikskólanum Öldunni hefja þau aðlögun fyrir skólagöngu í Hvolsskóla. Þau fara í skólaheimsóknir einu sinni í viku og þegar stóra stundin rennur upp þekkja þau orðin hvern krók og kima í Hvolsskóla.
Börn og hestar
Rangárþing eystra er eitt mesta hestamannasvæði landsins og er æskulýðsstarfið hjá Hestamannafélaginu Geysi mjög öflugt. Börn komast á reiðnámskeið frá 5 ára aldri og í Hvolsskóla hefur verið boðið upp á námskeiðin Knapamerki I og II sem styrkir grunn hestamennskunnar.
Draumaveröld hestamannsins Hulda og Elvar – viðtal
Stutt viðtal við Elvar Þormarsson og Huldu Dóra sem búa á Hvolsvelli ásamt börnunum, Þormari, Eik, og Elimar. Elvar er atvinnumaður í hestamennsku og vinsæll tamningamaður.